ფილმის შინაარსი: ექთან თამრიკოზე შეყვარებული დათოს მეგობრები შეიტყობენ, რომ ქალიშვილი გათხოვებას აპირებს და გადაწყვეტენ დათოს მასთან დაახლოებაში დაეხმარონ. ქალიშვილს დაზარალებულისთვის სასწრაფო დახმარებას სთხოვენ და ქალაქგარეთ გაიტყუებენ. თამრიკო გვიან მიხვდება, რომ ავადმყოფთან არ მიყავთ, აღშფოთებული უკან დაბრუნებას მოითხოვს, მაგრამ გამტაცებლები თანდათან მის მოხიბლვას და დათანხმებას შეძლებენ. მეგობრები თამრიკოს მშობლებს ქალიშვილის გაბედნიერებას შეატყობინებენ. დათოს და თამრიკოს დაქორწინებას მეგობრები და ნათესავები ერთად აღნიშნავენ.
დამდგმელი რეჟისორი: ლეილა გორდელაძე
სცენარის ავტორი: ლეილა გორდელაძე
დამდგმელი ოპერატორი: გენო ჩირაძე
მხატვარი: ვასილ არაბიძე
კომპოზიტორი: გიორგი ცაბაძე
ხმის ოპერატორი: თენგიზ ნანობაშვილი
მემონტაჟე: ოფელია გევორქიანი
მონაწილეობენ: ხათუნა კოტრიკაძე (თამრიკო), გია ავალიშვილი (დათო), გია ფერაძე (ნუგზარი), ვ. კუხიანიძე (თემური), ჰენრიეტა ლეჟავა (აგრაფინა), ვასილ კახნიაშვილი (ვალიკო), ლეილა ძიგრაშვილი (თამრიკოს დედა), შოთა დაუშვილი (თამრიკოს მამა), გიორგი გელოვანი (მოქეიფე), არკადი ბაქრაძე (კლიმენტი), ნათელა მიქალაძე, ალექსანდრე ეძგვერაძე, ლ. გვეტაძე, რ. ბოკუჩავა, ჯემალ ღაღანიძე, იოსებ (სოსო) ხაინდრავა (მილიციონერი), გ. გვენცაძე, ე. სვანიძე, ოთარ გუნცაძე, ჯ. პერტენავა, ა. გვარამია, ჯემალ დობორჯგინიძე, ვ. ნამგალაძე, თეიმურაზ შავლოხაშვილი, ტ. ძნელაძე, ვ. ნამორაძე, დ. დარსაველიძე, დ. ქელბაქიანი